So there is a Cod!

Jæja það er allt að verða snípsvitlaust hérna! ? Djöfull bjó ég til gott meðlæti með lambaframpartinum í gær, össs!! Fyrir þá sem þekkja til þá eru armbeygjur á haus/höndum afar hressandi, en fyrir þá sem eru ókunnugir þá mæli ég með að fólk byrji sem fyrst að iðka þetta fína sport. Sem fyrst! Þó ber að hafa í huga að bróðurpartur blóðsins í líkamananum fer í hausinn, og ekki laust við að ýmsar æðar (í kringum augun hjá mér) þoli ekki þetta mikla álag, enda er líkaminn hannaður til að snúa á hinn veginn. Það er t.d. ekkert grín að lenda í því að það rofni æð í heila. Fólk hefur verið frá vinnu og skóla í heilu og hálfu dagana.
Mikið rokk var smíðað í Garðabæ seinustu helgi. Og ég þarf í framhaldi af þessari helgi að fara í vinnu afvötnun. Svaf á við nýbura!
Anna R. er víst að fara að opna bakarí. Hún sagði að ég fengi V.I.P. passa á alla innganga. Það er ágætt að geta lætt sér inn að aftan ef það er mikið að gera! -Ég bara elska bakkelsi!
Bílleysið er farið að taka vel á stálið. Þannig að ef einhver á bíl sem hann vill lána mér eða í versta falli gefa þá er ég við símann NÚNA!

-Áhugasamir hafið samband!